இப்படியானவர் `ஆரஞ்ச் மிட்டாய்” திரைப்படத்தின் மூலம் தயாரிப்பாளராகவும், பின்னணி பாடகராகவும், பாடலாசிரியராகவும் உருவெடுத்தார்.
பிக் பாஸ் புகழ் ராஜூ கதாநாயகனாக அறிமுகமாகும் ‘பன் பட்டர் ஜாம்’ படத்திலும் பாடலை எழுதியிருக்கிறார் விஜய் சேதுபதி. `ராம் காம்’ திரைப்படமாக உருவாகியுள்ள இப்படத்தை ராகவ் மிர்தாத் இயக்கியுள்ளார். இந்தப் படத்திற்கு இசையமைப்பாளர் நிவாஸ் கே பிரசன்னா இசையமைத்துள்ளார். இசையமைப்பாளர் ஜஸ்டின் பிரபாகர் இசையில் `ஆரஞ்ச் மிட்டாய்’ திரைப்படத்தில் இரண்டு பாடல்களைப் பாடி பாடகராக அறிமுகமானார் விஜய் சேதுபதி. அதுமட்டுமல்ல, அந்த இரண்டு பாடல்களையும் எழுதியது இவர்தான்.
`பன் பட்டர் ஜாம்’ திரைப்படத்தில் மொத்தமாக இரண்டு பாடல்களை விஜய் சேதுபதி எழுதியுள்ளார். இதில் ஒரு பாடலை நடிகர் சித்தார்த் மற்றும் `காவாலா’ புகழ் பாடகி ஷில்பா ராவ் பாடியுள்ளனர். இந்த பாடல் விரைவில் வெளியாகும் என படக்குழு அறிவித்திருக்கிறது. பிக் பாஸ் வீட்டிற்குள் `பன் பட்டர் ஜாம்’ திரைப்படத்தின் ப்ரோமோஷனுக்காக சென்றிருந்த ராஜுவும் விஜய் சேதுபதி எழுதியுள்ள பாடல் தொடர்பாக அங்கு பேசியிருந்தார்.
